இருள் விளக்குப் பாதை

மண் குடிசை
       பாதி வேய்ந்த 

கூரை - அங்கு
      இரக்கத்துடன் 

இறங்கிவந்து
      ஒளி வீசிய 

 வெண் நிலவு...!

தன்னம்பிக்கை 

      வளர்க்க
தன்னையே 

     தற்கொலை
செய்கின்ற 

     திரிகள்...!

மகன் 

      சாதிப்பான்
மனக் 

      கனவுடன்
மண்டியிட்டு 

      தொழுகின்ற
  தாய்...!

இருள் 

      முழுவதும்

பரவிக் கிடந்த

       இலவசப் பொருட்கள்
முகம் மட்டும்
      அரசுயிட்ட 

சோதனையில்
       வியர்த்திருக்க
விடியல் வருமென
         வாசிக்கப்பட்ட நூல்கள்...!  

விடிந்த பின் 

      வீசிய
புயலெனும் பூதம்
        பெயர்த்தெடுத்த 

கூரையும்
        அரசு  அளித்த
ஆறு  ஐந்து நூறு
        நோட்டுகளும்...!

பாதி நாள்
        தந்தையுடன் 

பணிபுரிந்து
       வேய்ந்து  விட்ட
கூரையில்
       வினாவாகிய

அவன்
       இருள் விளக்குப் பாதை...!

பயனற்றவை

ஆணி வேருடன்
        பிடுங்கி எறிந்து விட்டு
மரத்தில் நிழல் தேடும்
        மனிதமும்...!

கருவினில் சிசுவினை
        பறிகொடுத்த
தாயினை போல்
       கலங்கி நின்ற காற்றும்...!

விடைதெரியா வாழ்வில்
        விடை என
விட்டு விட்டு
        பொழிகின்ற வானிலையில்
விதைக்கப்பட்ட
         விதையும்...!

வளர்ச்சியென
         தன்னை மட்டும்
வளர்த்து குளத்தின்
        சூழலை மாசு படுத்தும்
நீலப் பசும் பாசியும்...!

பாதை முழுவதும்
       தெளிக்கப் பட்டாலும்
பயனற்றவையே...!

புன்னகை

எளிமையான வாழ்வினை
          நிரப்ப வந்த
எதார்த்த நண்பன்...!

மருந்துகள் அல்லாத
        மனித வாழ்விற்க்கான
மருத்துவம்...!

பூத்தம் புதிதாய்
        பூத்த பூவின்
மலர்ச்சியிடம் - போட்டியிட்ட
        மனிதத்தின்
ஒற்றை ஆயுதம்...!

சுயநலம்

அரசு

   நாவிற்க்கு அடிபனியா     
           கருத்துக்கு கருத்தடை
   மன சாந்திக்கு
           மக்கள் கூட்டத்தின்
   குருதிப் புனல்...!

மக்கள்

   வந்தது நமக்கில்லை
         வன்மையை வசைபாட - என
   வாழத் தொடங்கினோம் - இன்று
         வருங்காலம் நமக்கில்லை
    நாணயத்தில்
         நசுக்கப்பட்ட நாயகன்கள்...!

நிலமை
 
   உலகமறியும் இந்தியனை
         இடம் பெயரச் சொல்லும்
   மாற்றம்  இந்த மண்ணில்
         மதத்தினை மதில் மேலேற்றி
   மனிதத்தை
         மண்ணுக்குள் புதைக்கின்ற
   சுய நலத்தின்
         சுடுகாடாய்...!

மாலை மயக்கம்

அரை முற்றத்தில்
          முழு முகம் காட்டும்
வெண்ணிலவு - அதன்
          அழகின் மயக்கத்தில்
முத்தமிட்டுச் செல்லும்
          இரும்புப் பறவை...!

வானத்தின் வனப்பில்
         வட்டமிட்டு இறகடித்துப்
பறக்கும் புறாக்கள் - அதன்
         இறகில் குடிகொண்டு
வாழத் துடித்து
         படபடக்கின்ற கண்ணிமைகள்...!

வீதியெங்கும் விட்டுவிட்டு
        எரிகின்ற மின்விளக்கு
போட்டியிட்டு விழி திறக்கின்ற
        விண்மீன் கூட்டம்...!