முதியோர் இல்லம்

தன் இரத்த சதை
       பிரிந்திருப்பினும்
தரமற்ற படைப்புகளால்
      தனித்தெரியப்பட்ட
தடுமாற்றம்...!

வாழ்வின் சந்தோச
      நிமிடங்கள்
வாழ வைப்பதில்
    குறைந்திருப்பினும்
வழி தெரியா
    வளர்ப்பினில் எற்பட்ட
வறுமை...!

தடுமாறிய  வாழ்க்கையில்
    முதுமை இங்கே
தடம் மாறிய
    இளமையின் தவறுதலில்...!

நூற் பூங்கா

உடல் ஊனமானாலும்
      உதிரத்தின் கரைப்பினில்
உருவாக்கிய உருவங்கள்
      உறைந்து போன
மனங்களையும்
      உலுக்கி வைக்க...!

ஆறாண்டு அடுக்கிவைத்த
      அட்டைக்கல் கோபுரம் - அங்கு
அவிழ்ந்துவிடாமல்
      சுற்றப்பட்ட நூல்களில்
கண்டெடுத்த பூஞ்சோலை...!


ஊனம் குறையில்லை
      ஊருக்கு உரைத்து - அவர்
உதிரத்தில் உருமாறி
      உலக சாதனையென
சரித்திரக் கால் பதிக்க - இந்த
      நூற் பூங்கா...!

மலை மேகம்

மென் பனிச் சாரல்
     மேனி தொடும்
மேகம் - அங்கு
     பனித் துளிகளை
சுமந்துநின்ற
     பனை ஓலை...!

காலடி தெரியாத
     சாரல் மழை
பாதி முகம்
    காட்டி சிரித்த
பச்சிளங்
    குழந்தை...!

அன்றே அறுவடை
    செய்திருந்த
காய் கனிகள் - அங்கும்
    ஆற்றுத் தண்ணீரின்
துவக்கத்திற்கு
    அழுது கொண்டிருந்த
நிலமகள்...!


பசுமை எங்கும்
     படர்ந்திருக்க
பார்க்குமிடமெல்லாம்
     புன்னகை தாங்கிய
புதுப்
        பூக்கள்...!

திருத்தங்கள்

நெருப்பினில் வைத்து
       நெருடிய விரல்களின்
வடுக்களில் வந்த
       திருத்தங்கள்...!

தடுமாறி கீழே
      விழுகையில்
சரீரத்தில் ஏற்பட்ட
      திருத்தங்கள்...!

பலமாக வேண்டியவை
       பலவீணமாகையில்
மனவலிமையில் உருவான
       திருத்தங்கள்...!

சூழ்ந்து நின்ற
       சுற்றமும் நட்பும்
சுத்திகரிக்கப்பட்டு -  நம்
       இயல்பில் உருமாறிய
திருத்தங்கள்...!

திருத்தங்கள்
        தீர்வதில்லை
தினம் தினம் வருகிற
        திகைப்புகள்
தீரும் வரை...!

எழுகிற சுரியன்

வானம் விரிய

     வங்கக் கடல் கொதிக்க

எழுந்தது - இந்த

     எரிகிற கோளம்

உலக இயக்கத்தை

     எழுப்புவதற்க்கு...!

பூக்கள் மலர்வதும்

    புன்னகை பூப்பதும் - உந்தன்

அன்பென்னும்

    ஆற்றுப்படுத்திய உஷ்ணத்தில்...!

பரவட்டும்

    உடல் முழுவதும்   

உடல் பிரிகிற இறகில்

         இயற்கையை இரசித்திருக்க...!