விடியல்

இருள் விளகுகின்ற நேரம்
          அருகில் இருக்க
இமை விழிக்கின்ற தூரத்தில்
         விடை தெரியா சுழல்
விடை கேட்க வந்த
         விடியல் வரும் நேரம்…!

பார்வையிருந்தும் பயனில்லாது
         பயணம் இருக்க
நீடித்த வெளிச்சம்
         ஏற்ற வந்த - இவ்
விடியல் வரும் நேரம்…!

விடை கேட்க வந்த
         இருள் ஒலிகள் சந்தமாக
உறைப்பதற்க்கு ஒன்றுமில்லை
         உறங்கிய ஊர்
விழித்துத்துக் கொள்ளும் - இவ்
         விடியல் வரும் நேரம்…!

அனுபவம்

நேற்றுவரை
       நடந்ததென்ன
நாடகமோ!
      இன்று மட்டும்
நிஜமாக...!

காற்றினிலே
       கரைந்து வந்த
காவியங்கள்
       கற்பனையோ!
மனம் போகிற
       போக்கினை
தேர்வு செய்ய...!

நடந்தவை
      நடந்தவையே
பதிந்தவை
     பதிந்தவையே
பாதை மாறாத
      திடமிருக்கையில்...!

ஆரூடம் சொன்ன
       பிள்ளை மொழி
பொய்த்ததுண்டு
      அனுபவம்
பொய்த்ததில்லை...!

முகவரியில்லா கடிதம்

கற்பனை.... நம்ம ஊரு அரசியல்வாதிக்கு....

மகுடமே சூட்டிக்
        கொண்டாலும்
மரித்துவிட்ட ஜிவனின்
        மரண தண்டனைக்கு

நீ  - என்னிடம்

       ஆயுள் கைதி...!

                               இப்படிக்கு,
                                  மன சாட்சி.....

முதியோர் இல்லம்

தன் இரத்த சதை
       பிரிந்திருப்பினும்
தரமற்ற படைப்புகளால்
      தனித்தெரியப்பட்ட
தடுமாற்றம்...!

வாழ்வின் சந்தோச
      நிமிடங்கள்
வாழ வைப்பதில்
    குறைந்திருப்பினும்
வழி தெரியா
    வளர்ப்பினில் எற்பட்ட
வறுமை...!

தடுமாறிய  வாழ்க்கையில்
    முதுமை இங்கே
தடம் மாறிய
    இளமையின் தவறுதலில்...!

நூற் பூங்கா

உடல் ஊனமானாலும்
      உதிரத்தின் கரைப்பினில்
உருவாக்கிய உருவங்கள்
      உறைந்து போன
மனங்களையும்
      உலுக்கி வைக்க...!

ஆறாண்டு அடுக்கிவைத்த
      அட்டைக்கல் கோபுரம் - அங்கு
அவிழ்ந்துவிடாமல்
      சுற்றப்பட்ட நூல்களில்
கண்டெடுத்த பூஞ்சோலை...!


ஊனம் குறையில்லை
      ஊருக்கு உரைத்து - அவர்
உதிரத்தில் உருமாறி
      உலக சாதனையென
சரித்திரக் கால் பதிக்க - இந்த
      நூற் பூங்கா...!